Pantun Bahasa Banjar (part3)

ini ada lagi pantun dari mas abud, pantun sidin banyak banar nah...amun minat baca aja, kali aja bermanfaat...dan jangan lupa tinggalkan komennya..makasih.

sungai tabuk banyunya dalam
mamacah buih di pipiringan
asa malibuk hati di dalam
malihat ikam ba i'iringan....

kandangan jambatan papan
martapura jambatan wasi
kagangangan diwaktu makan
banyu mata gugur ka nasi...

baju jaket kancing nya lima
kancingnya lima kantungnya dua
biar sakit dipukul mama
asal jangan tapisah kita badua

jangan disangka bajuku panjang
bajuku rabit dipagalangan
jangan disangka hatiku sanang
hatiku sakit bakapanjangan....

tiup api digunung lidang
habu-habunya ku tampi jua
niat hati salagi bujang
balu-balunya kuhadang jua...

tiwadak marimbun daun
tapi sayang kada babuah
hati handak batahun-tahun
tapi sayang masih sakulah....

lading amas lading balati
dicucukakan ka batang katapi
ading bungas jangan balaki
hadangi kaka bajual sapi....

pucuk pisang gadangnya layu
kamana jua ma ambunakan
kuhadang-hadang kada lalu-lalu
kamana jua manakunakan...

gunung panjang gunung berbukit
malingkarlah si kayu jati
kasih sayang tidak sedikit
dari mata sampai ka hati

ka tupat iwak bapanggang
nini maluncat kai manunggang

darimana datangnya ulat
datangnya ulat dari lalaran
darimana datangnya surat
datangnya surat dari pacaran...

tabang bamban kuricih-ricih
imbah kuricih kubabat pulang
hati dandam bamula ampih
imbah batamu baumpat pulang...

kuranji dihalaman
kada kusangka babuah lagi
bajanji berpegangan tangan
kada kusangka baubah lagi......

iwak sapat jamur sahari
jangan dsangka iwak saluang
kada badapat barang sahari
jangan disangka aku mambuang

burung putih tarbang ka jambu
imbah ka jambu ka jamban pulang
awak putih bawa babaju
imbah babaju kakamban pulang...

jarujuk padang jumampai
paikat laki dadaian kain
amun juduhku baluman sampai
hakikat hati kada kalain...