Bapantun Pulang...

jalan-jalan ka kuta paris
malihat rumah babaris-baris
biar mati di ujung keris
asal tadapat nang hirang manis

pananjak satu pananjak dua
pananjak tiga kuhalangakan
baranak satu baranak dua
baranak tiga kupunahakan...

ujar pang banyak baiwak..
saikung ikung kada mawadi...
ujar pang banyak nang handak...
saikung - ikung kada nang jadi...

kitik-kitik daun rumbia...
daun nangka balik tilantang
apik-apik di dunia...
api naraka sudah mahadang..

dua kali banangku kusut...
ku kusutakan kabatang rumbia...
dua kali guring takajut...
bantal guling kusangka inya...

lituk-lituk manabang paring..
manabang paring rabahnya ampah ka luting...
siang malam kada taguring...
mangganang nang rambut kariting...

dua kali kapasar kamis...
saputangan gugur kalubang...
dua kali aku manangis...
pacaran diambil urang....

handak mandi tarasa dingin...
malihat banyu maulai batu...
dimapa hati kada kapingin...
malihat susu manunjul baju....