Rabu, 16 November 2016

Lirik Lagu Bahasa Banjar (Eps. 04)

“ DISASADANGI “
Arransmen By Rudi
Musik : Mabuk Janda

Aku bulik bagawi / datang mantuk bacari….
Jangan dimamai / jangan disariki…
saraba di hamburi….

Cuba disasadangi / manggarunumi laki…
aku mancariakan / Supaya kawa makan…
sakira bapakaian…
kasangkalan aku lawan bini…
handak kupunahakan….
Tapiku masih sayang….

Sudah banyak hutangan / wan tukang kariditan…
tambah lagi bulanan / hutang di kacamatan….
Banyak banar tunggakan……


Jar….manyamani..amun sudah baisian bini…..
Tapi kaya ngini…..babini manyakitakan hati….

handak kaya urang /  Saraba pakaian …
Liwar  barisupan  / disambati urang…
Aku nang bacari / inya tukang habisi…


 MANINGGALAKAN

MUSIK : DIL LAGA LIYA (INDIA)

Heeeiiiii…….haaaaaa……..

Kanapa pian, purun maninggalakan, maninggalakan, maninggalakan …….
Tahulah pian, ulun ne masih sayang, lun masih sayang, sayang wan pian …….
Dahulu pian, suah janji mahadang, ulun badatang,   mun bulik madam…..
Wahini pian, sudah malupa’akan, purunnya pian, kawin wan urang …….

Reff:
kada siang kada malam, pian ulun harapakan,
pian dahulu bajanji, kada kalain lagi
tapi kanapa wahini, pas ulun bulik bacari….
Ulun pian lupa’akan, ulun langsung pian buang….

Kanapa pian, purun maninggalakan, maninggalakan, maninggalakan …….
Tahulah pian, ulun ne masih sayang, lun masih sayang, sayang wan pian …….

Reff:
kada siang kada malam, pian ulun harapakan,
pian dahulu bajanji, kada kalain lagi
tapi kanapa wahini, pas ulun datang bacari….
Ulun pian lupa’akan, ulun langsung pian buang….

Dahulu pian, suah janji mahadang, ulun badatang,   mun bulik madam…..
Wahini pian, sudah malupa’akan, purunnya pian, kawin wan urang …….


“ TASALAH MAMILIH LAKI “
MUSIK : Sedingin Salju
Arr: BBC Haruyan

Umai ai lakiku, kada sing gawian ….Kadada pikiran, handak hidup nyaman…
Supaya kaya urang, anak bini rasa nyaman …Kada umpat  wan kuitan….
Maulah mintuha rancak garigitan…Marga baisi minantu, liwar panguliran…..

Reff:
Saban hari baungutan / makan guring ha gawian…
Asa manyasal diriku / tasalah mamilih laki ….

Bila tasalah pandiran, lalu kd mau makan…Bila tasalah pamakan, aku nang disalahakan….
Umai ai lakiku, kada sing gawian….Disuruh bacari, hakun bajalanan …..

Reff:
rancak sudah dipadahi / tapi kada dituruti……sakampungan manyambati / ku tasalah mamilih laki….
Manyasal aku wahini, dahulu minta kawini…Kalinya nang kaya ngini, lakiku kada bacari ……

Umai ai lakiku, kada sing gawian ….Kadada pikiran, handak hidup nyaman…
Supaya kaya urang, anak bini rasa nyaman …Kada umpat  wan kuitan….


Caka aku turutakan / sudah ku tinggalakan….Paidah baisi laki / nang kada bagawi ……

Tidak ada komentar:

IDE MEMBUAT IKLAN LAYANAN MASYARAKAT

  berikut adalah ide untuk iklan layanan masyarakat dalam bentuk video   Kampanye Anti Merokok: Video menampilkan perubahan positif da...